Yn 1983, fe ysgrifennodd y canwr, Dafydd Iwan, un o'i ganeuon fwyaf nodedig - 'Yma o Hyd', a ddaeth mewn cyfnod llawn ansicrwydd economaidd a gwleidyddol. Dyma oedd oes Thatcherism , lle bu nifer o byllau glo yn cau, miloedd o ddynion a merched yn colli gwaith a chyfnod caled i nifer.
Roedd pobl yn teimlo eu bod nhw'n "colli Cymru", eglurodd Dafydd, a ysgrifennodd y gân pedwar blynedd ar ôl refferendwm datganoli 1979 pryd cyhoeddwyd 79.9% o'r bleidlais yn erbyn y syniad o Gynulliad Cenedlaethol i Gymru. Roedd y gân felly yn symbol o obaith, yn gân am dewder a goroesi, cân a oedd yn dweud yn syml "er gwaetha pawb a phopeth, ry'n ni yma o hyd".
Yn ddiarwybod i'r canwr a'r gwleidydd yn y cyfnod hynny beth bynnag, fe ddatblygodd y gân i fod yn gymaint mwy. Heddiw, caiff y gân ei hatseinio ar hyd a lle yng Nghae Ras yn Wrecsam, ym Mharc y Scarlet draw yn Llanelli ac fel y daeth i'r amlwg dydd Iau diwethaf, mae hi hefyd yn ffefryn ymysg cefnogwyr Y Wal Goch i dîm pêl-droed Cymru.
